Beste urteetan bezala, Zinemaldia kaleko jendearengana hurbiltzeko asmoz, MIKROZINEBIk diseinu berri eta erakargarri bat aurkezten du eta horretarako Arriaga Antzokian modulu-egitura duen karpa puzgarri handi bat jarriko da, gune dinamikoak sortuz, forma ebolutiboak dituena eta aukeratutako inguruari ondo egokitzen zaiona. Karparen barrualdea zinema-areto txiki bat izango da eta lehiaketan dauden euskal eta espainiar film batzuk emango dira, baita informazio-film batzuk ere. Aldi berean informazio eta erakusketa gune ere izango da. Gainera, Fotochroma izeneko instalazioaz gozatu ahal izango dugu: bideo-produkzioetan, telebistan, zineman eta argazkigintzan asko erabiltzen den teknika bat da eta bisitariei argazki bat ateratzen zaie atzealde liso eta uniformea izanik eta prozesu informatiko bat erabiliz aldez aurretik hautatutako beste bat jar liteke argazki horren ordez. Emaitza ikusgarria da, argazkian ateratako pertsona hori atzealde horretan oso ondo egokitzen baita eta, adibidez, bere film gustukoenaren eszena bateko protagonista bihur daiteke.
Emanaldia non: Arriaga Antzokiko Plazan